سلطة الفتوش السورية | اليمن السعيد

سلطة الفتوش السورية

الخميس 28 مارس 2013 الساعة 15:00

المقادير :

كميات متساوية من كل من الخضار التالية : بندورة , خس ، بقدونس , خيار , جزر مبشور , ملفوف أخضر , بقلة ( رجلة أو فرفحينة ) , أوراق فجل ( إذا عندك فجل , قصي الأوراق كاملة بسواعدها و اغسليها جيدآ ) و أنا بحط فقط أوراق الفجل , ما بحط الفجل . بصل : أخضر أو عادي ملح , زيت زيتون , نعنع يابس ( أطيب من الأخضر , و أفضل لأن الأخضر بيسود بعد الفرم ) خبز مقطع مربعات و محمص بالفرن مع شوية زيت زيتون للتحميض : خليط من دبس الرمان , خل التفاح بنسبة تلت لدبس الرمان , و تلتين لخل التفاح ( هالخليط طعمته جدآآآآآ لذيذة , و بتضفي عالفتوش طعمة خيالية). و إذا ما عندك دبس الرمان , حطي فقط خل التفاح , إذاما تواجد حطي عصير ليمون . والسر يلي راح قلكن عليه هلأ , و مو كل الناس بتعرفه , لتحصلي على فتوش طيب و مميز

التوم , دقي شوية توم صغار , و حطيهن مع الفتوش ,. و بيطلع أطيب بكتير , جربو , و راح تدعولي على هالسر , ولكن بيضل وضع التوم اختياري ’ و كمان بيطلع الفتوش طيب . افرمي الخضار , و اتقيدي بالمقادير المكتوبة , افرميها فرم وسط أقرب إلى الخشن ( متل الصور ) بالنسبة للبقلة ( الرجلة أو الفرفحينة ), بترك الأوراق متل ما هيي , أنا ما بفرمه, (و راح تلاقي الصورة موجودة بأول رد مباشرة ) وهون أنا استخدمت , كل المقادير يلي ذكرتها ما عدا أوراق الفجل , ما كانت متوفرة , و للأمانة : البصل كان لازم أفرم أكتر من هيك و لكن أنا فرمت شوي وما حطيتن بالفتوش , لأن عندي أخ ما بياكل بصل , فبحطهن بصحن لحالهن جنب الفتوش وبس تخلصي الفرم راح نجي عالتقليب ( مرحلة التقليب , لازم نعملها قبل الأكل مباشرة : بحيث نخلص التقليب , و فورآ ناخد الفتوش عالسفرة , و هلأ بقلكن ليش ) : حطي زيت الزيتون بكمية مناسبة فوق الخضار , و حطي خليط الحامض , ( في ناس بيحطوا سماق , و لكن أنا ما بحط لوجود نوعين من الحامض ) , و إذا بدك تحطي التوم دوبي التوم المهروس مع الحامض أنا هون استخدمت فقط سن توم واحد , و إذا في حاجة رشة ماء صغيرة مشان نكتر مرقة الفتوش , لأن الخبز بعدين راح ييمتصها , رشي الملح , و النعنع اليابس , و قلبي جيدآ وتذوقي , و إذا في داعي تحطي كمان ملح أو حامض , حطي , و ركزي الطعم , لتتأكدي إنه الطعم صار متل ما بتحبي آخر شي حطي الخبز المحمص , و خلي كميته متناسبة مع كمية الخضار الموجودة بحيث ما حدا منهن يطغى عالتاني ( لا تحطيه قبل هيك : مشان ما يطرى , و يتشتش ) , و قلبي جيدآ , و تأكدي إنه كل الخبز اتشرب , الزيت و الحامض , و صبي الفتوش بالجاط , و فورآ عالسفرة لازم هالخطوة , لأن الخبز المحمص إذا حطيتيه من أول التقليب , أو حضرتي الفتوش قبل الأكل بكتير : الخبز راح يطرى , وساعتها بيخرب شكله و مذاقه , بينما بهالطريقة , الخبز بييتشرب الزيت و الحامض , و بيضل قاسي , و لمن بتاكليه , بتحسيه عم يقرمش بتمك

أخترنا لكم

استغاثة ونداء عاجل من أبناء مديرية ذي السفال محافظة اب

أبين.. مخيم طبي مجاني لجراحة الأنف والأذن والحنجرة برعاية مؤسسة استجابة

وزيرة فرنسية تهاجم"كريم بنزيما" لموقفه مع غزة وتردند عالمي يهاجم العجوز الشمطاء

لا ترميها بعد اليوم.. 7 فوائد مذهلة لقشرة البصل يخلصك من الشعر الابيض ويوقف الشد العضلي ويسكن الألم

زوج سعودي يشكي زوجته للقاضي وعندما سأله لماذا لا يطلقها.. صدم القاضي بجواب صاعق!

الأكثر زيارة